LA BACIATA DEI MAJA!
INCHE’ SEF CHILO’ TUCC A GRIGNER, BALAR E FA FESTA
MA AL SEF MIGA CUSA AL VE RIVERA’ GIO’ IN DE LA TESTA
E SI’ CHE I L’HA PREDICHE’ IN LARC E IN LONC
CHE STU AN AL VEGNERA’ LA FIN DEL MONT
L’E’ STACC I MAYA A FAR STA PREVISION
CUN NA GANDA DE CALCUL E UPERAZION
I STUDIAVA TANT I STELI, I ARA ESPERT DE ASTRUNUMIA
MA I HA CALCULA’ TUT FINA AL 2012 E DOPU ? AMEN E CUSI’ SIA
VARDE’ VALTRI SE CREDEC O LASAR STAR
PERO’ IN DEL DUBIU AL SARIS MEI DAS DE FAR
AL CIRCULA LA VOS CHE IN FRANCIA GH’E’ UN PAESIN
CHE AL SARA’ L’UNIC A SCAMPAR A STU DESTIN
INVECE AN VE DIS SENZA PAURA DE ESER SMENTI’
CHE LA VESENDA L’E’ MIGA PROPI ISCI’
PERCHE’ AN VEL DIMOSTRA SUBIT CUN I CARTI A LA MAN
CHE RAULE’ L’E’ PRECIS DE QUEL PAES LUNTAN
TANT PER CUMINCER, AN SE INSUMIA ANGA IN DEL NOM
LOR “BUGARAK” E NUALTRI AN G’HA BUGA…TON
IA QUA IA I G’HA AL MONT PEC ILO’ DE DRE’
NUALTRI INVECE AN G’HA AL PIC, AL SEF INDOE CHE L’E’
D’ALTRA PART AN S’E’ LA PICCOLA PARIGI FINA DE STI AGN
SE CAPIS CHE FINA DE INORA AN GHEVA VERGOT DE CUMPAGN
INORA NUALTRI DE RAULE’ AN G’HA PRONTA LA SULUZION
SE VULESUF SCAMPAR A TUTA LA DISTRUZION
BASTA CHE AF MEVIUF DRE’ UN PO’, AL SARA’ MEI
SE VULEF CUMPRAR I NES CURNEI
E DATU CHE A GROS LAUREF QUASI TUCC IN DE L’EDILIZIA
AN VE LAGA DECIDER A VALTRI, SECONDU LA VOSA PERIZIA
VULEF FAR SU UN BUNKER DEL TIPU TUDESC
O ANOMA UN CASULER TANT PER MIGA STA FO AL FRESC?
PERO’, AN VE DA CALDEROLA SE AL VE PIAS STAR AL CALT
SE VULEF DUMINER TULE’ STAVEL CHE L’E’ SU PIU’ IN ALT
VE PIASEL PIU’ INTERA UN SIT UN PO’ PIU’ ARIOS?
AN VE VENT FO AL SAC, CHE L’E’ ANCA CURIOS
SE GHEF MUNEDI E VULEF FAR UN SDESC
GHE’ MANERA DE TER INSU’ AI SCESC
SEF GENT DE PATER E DE GIACULATORI?
PER VALTRI AN G’HA I SALVERGINI E SAN GREGORI
AH, PE AL GH’E’ ANGA SAN ROC
PERO’ MUEF PERCHE’ ILO’ AL TEREN L’E’ POC
VE PIASEL MIGA LA TROPA CUNFUSION?
VERGOTA AL GH’E’ ANGA SU VERS BUGATON
AL POST CHE AL FARA’ PIU’ GOLA L’E’ ALA COSTA
PERO’ FE DEBOT PERCHE’ I E’ TANC CHE I GHE FA LA POSTA
FORSE AN N’E’ RESTE’ AMO’ QUAI TUCHETIN
FO’ IN DE LA ZONA DE I CARNIN
AN VEL DIS SUBIT CHE I POST PIU’ RIPARA’
I E’ FO VERS GIRELT O SCE’ AI FUSA’
L’UCURERA’ PE PIU’ LUDAR SU LA PUSIZION
PERCHE’ EF GIAMO’ PRUA’ A STAR A RAULE’ AL TEMP DE L’EVACUAZION
QUANDU CHE L’ARA VIGNI’ QUEL GRANT STRAVASC
EF FACC PREST A TACAR SU DE RUINASC
AN SPENT PIU’ TANTI PAROLI INUTILMENT
AN VE DIS ANOMA DE STAR BEN ATENT
PRIMA DE FINIR AN G’HA DE FAF UNA RACUMANDAZION
DEC MIGA AMENT A TUCC I BUNTEMPON
PERCHE’ DE MAYA GHE N’E’ IN GIR DE TUTI I SORT
MA SENZ’ALTRU VE SAREF GIAMO’ ACORT
GH’E’ I MAYA MERDI, CHE I G’HA UN PO’ DI TUFIGNON
I PAR FACC APOSTA PER FAR ANDA’ GIO’ I MARON
GH’E I MAYA PATER, I LA DISEVA FINA DE STI AGN
CHE GHE’ DE VARDASEN DE QUII CUN LA CURONA IN MAN
CUSA AS POL DIR DI MAYA MAYA
CHE AL GHE PIAS MARENDER SENZA ALZAR NA PAJA
AN G’HA DE DIC AI OMEN DE STAR CUN I UREGI ALZADI
PERCHE’ I MAYA..LONI I E’ SEMPRE INFILARMADI
I SA BEN CUME FAR BUCAR I PER TARAMOT
ANDA’ CHE I SE ACORC I RESTA ILO’ BONE BIOT
ADES AL NOS DUER AL ME PAR CHE ME L’ABIA FACC
UN QUAI BON CUNSIGLI AN VI HA DACC
SE M’HA SCHERZE’ AL GH’E’ GNENT DE MAL
TANTU INCHE’ AS POL PERCHE’ L’E’ CARNEVAL
